Politiit ullormut nalunaarutaat: Umiatsiaaraq kinngusoq anngiortumillu eqqussisumik tigusarinnittoqartoq

Politiit umiatsiaaraq Qaqortup avataani kingusoq pillugu ippassaq ullaap tungaani nalunaaqutaq 09.20-p missaani nalunaarfigineqarput.

Kalaallit Nunaanni Politiit taamaattumik SAR-imik suliaqarneq aallartikkaat, politit pigaartuisa pisortaata, Jeppe Andsagerip oqaatigaa.

- Politiit angallataat, qulimiguulik, Issittumi Sakkortooqarfimmit umiarsuaq alapernaarsuut timmisartuararlu ungasianiit aquttagaq suliaqarnermi atorneqarput, taanna oqarpoq.

Politiit maqaasisaqartoqarneranik nalunaarfigineqanngillat. Taamaammat umiatsiaaraq pituussaarsimalluni saatsersimasoq taamaalillunilu kinngusimasoq isummiuteqqagallarpaat, taanna oqarpoq.

- Taamaammat inunnik ajoqusertoqarsimanngitsoq, Jeppe Andsagerip oqaatigaa.

Nuummi anngiortumik eqqussisoq tigusarineqartoq

Politiit allakkerivimmut nassiussaq hashimik imaqartoq pillugu ualisoq, nalunaaqutaq 12.30 nalunaarfigineqarput.

Nassiunneqartoq taamaammat arsaarinnissutigineqarpoq, angullu nassiussamik tigusisuusussaagaluartoq pasineqarpoq, iperagaaqqillunili.

- Suliaq ullumi suliareqqissavarput, kisianni angut 19-inik ukiulik iperagaaqqippoq, tamannalu haship annertussusaanut tunngassuteqarunarpoq, Jeppe Andsager oqarpoq.

Suliami sassartitsisoqassanngitsoq aamma aalajangerneqartoq, politiit oqarput.