Umiatsiaaqqamik qaleralinniarneq unitsinneqassaaq
Aqutsiveqarfinni Uummannami Qeqertarsuullu Tunuani sinerissamut qanittumi umiatsiaararsortunut qaammammut qaleralittassiissutit nungunneqangajalersut, Aalisarnermut Naalakkersuisoqarfiup nalunaarutigaa.
Allattoq Niels Krogh Søndergaard
septembarip 24-at 2014 05:57
Nutserisoq Elisa Isaksen
Uummannami umiatsiaaqqamik qaleralinniarneq pingasunngornermi septembarip 24-anni unitsinneqassaaq aamma Qeqertarsuup Tunuani sisamanngornermi septembarip 25-anni unitsinneqassalluni.
Aqutsiveqarfiit pineqartut, Inatsisartut siorna ukiakkut ataatsimiinneranni aalajangiuneqartut najoqqutaralugit pisaassiisutinut ilaanngillat.
Aalisariutit meterinik arfinilinnik anginerit aqutsiveqarfinni Upernavik, Uummannaq aamma Qeqertarsuup Tunuani, qaleralinniarsinnaanermut akuersissuteqartut, qaleralinniarnertik ingerlatiinnassavaat.
