Umiartorumatuut sinersortaatit iluatigaat

Sinersortartunit umiarsuit iluatigineqarput.

Umiarsuarnik sinersortaatit siunissami timmisartunik taarseriartuaarneqarnissaat naalakkersuisut siunniuppaat, tamatumunnga ingerlatsinikkut aningaasaliissutigineqartartut 95 million koruunit ilinniatitaanermut angallannikkullu aaqqissuusseqqinnissamut nuutsinneqarnissaat tunngavigineqarluni. Siunissami angallannikkut allanngortiteriniarneq isertitakinnernut eqquissasoq radioaviisimit ullumi isumasiukkatta ilaat isumaqarpoq:

- Akisutigisorsuaq ilaat akissaqartarunnaassapput, katerserujussuaqqaarlutik aatsaat angalaartalissapput. Qanittukkut uanga kujammut feeriarniaraluarama, kisianni umiarsuit tamrmik ulikkaarsimagamik. Bllitsileriffimmi allamik oqanngilanga; ila umiarsuit amerlisariaqaluarput. Feeriarluni sinersorujorluni illoqarfiit nuannertaqimmat.

Isumasiorneqartup allap umiarsuit timmisartunik taarserneqarnissaat akerlerinerarpaa:

- Akerineqarsinnaanngilaq tamanna, inuit qinigassinneqarsinnaasariaqarput. Angallannermi taama piaaffiginninniarneq eqqunngitsuuvoq. Nunarput isorartoqaaq assaq atorluarusullugu inuppassuit angalasarusuttarput, taamaattumik killormut iliortoqarani umiarsuit piorsaavigineqarniarlik.

Umiarsuit sinersortaatimmita uagutsinnut qanoq isumaqarpat? Tamanna isumasiukkatta ilaata ima akivaa:

- Isumalerujussuupput uagut Kalaallit Nunarput sineriattoorsuummat kalaallillu amerlasuut illoqarfinni allani meeraqarlutillu ilaqutaqartitermata. Taamaattumik sinersortarneq pisariaqartorujussuuusarpoq. Aamma inuit tamarmik tuaviorlutik angalarusuunnginnamik, taamaattumillu akissaaleqinerusut aamma eqqarsaatigalugit, pisariaqartorujusuussvoq taakku angallatit taperneqarlutik piujuaannartinneqarnissaat.

Arctic Umiaq Linep ingerlatsinermut aningaasaliissutit peerneqassappata angallassinermi akit piviusut tunngviagalugit angallassilernissanersoq suli ilisimaneqanngilaq.