Umiartortut marluk annaanneqartut
![](/sites/default/files/styles/image_934x467/public/webform/img_1019_0.jpg?itok=pcXtt2YM)
Aalisartut marluk angallammik immattalernerata kingorna arfininngormat unnukkut annaanneqartut, Sermitsiaq.ag allappoq.
Angallat Qeqertarsuup tunuani Aasiaat avannaani umiiarmat aalisartut qulimiguulimmik SAR S-61-imik aaneqarput.
Ajoqusersimanngitsut
Aalisartut ajoqusersimanngitsut Aasiaannukaanneqarput, napparsimmavimmilu misissorneqarlutik. Politiit KNR-imut taama paasissutissiipput, aalisartullu ajoqusersimanngitsut pigaartup erseqqissarpaa.
Angallat 20 tonsinik oqimaassusilik sikumi Irena Arcticap ingerlavikuani maanna puttasoq Issittumi Sakkutooqarfiup kalerrisaarutaani allaqqavoq.
Angallat sikumi pitoqqammat angallatinut qanittumiittunut kalerriisoqarpoq.
Qimanneqarnermini suli puttasoq
Angallat qulimiguulimmit qimanneqarami suli puttavoq. Angallalli qimanneqarnermini imaarsaatai ingerlanneqaraluarlutik sukkavallaartumik immakkiartorsinnaammat, maanna kivisimasinnaavoq. Aamma angallat sarfaaruttoorsimasinnaavoq, imaarsaatillu unissimasinnaasut, pigaartoq oqarpoq.