Umiartortut isumagineqartalernerat ukiut 100-ngorpq

Nunani allanisuulli nunatsinni umiartortut illoqarfinnut tikinneranni pinngitsoorani oqqiffissaqarnissaasa isumagineqartalernerat ukiuni 100-ni pereerpoq. Qaqortumi Nuummi Maniitsumi Sisimiuni Asiannilu tamanna malunnartinniarlugu Sømandshjemmini nalliuttorsiorput.

Umiartortut unnuiffissaqarnissaat isumaginiarlugu Sømandmission ukioq 1905 nunatsinni aallarnerpoq, umiartortullu assigiinngitsutigut isumagineqartalerput, soorlu nerisaqartinneqartarlutik, juullikkunni tunissutissanik tunineqartarlutik, naalagiartinneqartarlutik, inuttulluunniit ajornartorsioraangamik oqaloqatigineqartarlutik.

Taama oqaluttuarpoq Nuummi Sømandshjemmimi isumaginnittoq Mikael Pedersen.

Nuummi Søamndshjemmimi ullumi ingerlatsisut malunnartitsiniaallutik inunnik nalliuttorsiortitsipput, inuit kissartortorlutillu kaagisuupput, pisarnertullumi assigiinngitsorpassuarnik kaageqarpoq.

Nuummi Sømandshjemmimi ingerlatsisoq Mikael Pedersenip ilimaginngilaa Sømandshjemmit amerlissasut.