Umiarsuup naalagaa ujajaanianit tigummineqarpoq
Ujajaaniat aningaasanik piumasaqarput, umiarsuullu naalagaa aningaasanik tunniussisoqarpat aatsaat iperarneqassasoq nalunaarutigalugu.
Sakkutuut imarsiortut Amerikameersut Somaliap avataanukartinneqarput, USA-milu naalagaaffiup isertortumik paasiniaasartui FBI peqataatinneqarput.
USA-p nunanut allanut ministeria Hillary Clinton pisumut aamma oqaaseqarpoq:
- Ujajaaniat akiorniarneqarnerannut nunat tamalaat peqataasariaqarput, Hillary Clinton oqarpoq. Imarsiortut kattuffiata Danmarkimeersup nuannaarutigaa USA maanna akuulersoq. Ujajaaniat akiorniarneqarneranni USA peqataasariaqarpoq, ujajaaniammi akiorniarneqarneranni pingaaruteqarpoq, Jan Fritz Hansen Rederiforeningimeersoq oqarpoq.