Umiarsuq takornariartaat ikkarlinnikoq Nunatsinni misiliilerpoq

Angallatsitsiviup Albatros Travelip umiarsuaq takornariartaat Clipper Adventure pisiarisimavaa. Umiarsuaq taanna Issittup imartaani takornartaanngilaq, Albatros Travelilu taamaasilluni umiarsuaatileqatigiinnut ilannguppoq.
Allattoq Mads Lynge
aggustip 08-at 2011 07:38

Umiarsuaq Ocean Nova Albatros Travelip ukioq manna attartorpaa, Clipper Adventure-ili atorneqalerpat Ocean Nova aappaagu atorunnaassaaq.

Clipper Adventure Albatros Travelip ataani siullerpaamik angalaqqammerpoq, Københavnimiit Christiansøliarami, Nunatsinnulli Atlantikullu avannarpasinnerusortaani qeqertanut Norgellu avannaanut kingusinnerusukkut Nordkapiliarnissaa aamma pilersaarutaavoq.
Allarujussuarmulli angalaarnissaa pilersaarutaavoq, Suezkanalikkoorlunilu Amerika Kujalliup sineriaanut Chilep sineriaanut angalaarnissaa aamma piviusunngortinniarmat. Albatros Travelip pisortaa Søren Rasmussen taama oqarpoq.

Clipper Adventure siorna aasaanerani Nunavummut angalaarmat ikkarlippoq, kaanngartikkuminaakkaluarlunilu. Clipper Adventure 130-nik ilaasoqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq