Umiarsuit takornariartaatit isumannaatsuunersut misissorneqarneq ajorput

Umiarsuup New Yorkimi misissorneqarnerani amia putoqartoq annanniutillu aserornikut ilaatigut paasineqarput. Umiarsuullu amigaataasa ajoqutaasalu Kalaallit Nunaanniinnermini paasineqarsimannginnerat nassuiaatissaqarpoq.

Taamatut immami angallannermik nakkutilliisoqarfimmi skibsinspektøri, Hans Fleischer oqarpoq, allamiullu umiarsuaannik misissuisinnaalernissaq imaalitsiaannaq pisinnaanngitsoq aamma imatut oqaatigaa.

Allamiulli umiarsuaat Kalaallit Nunaanni naliginnaasumik suli misissorneqartanngikkaluartut tamanna ernumanartutut, Hans Fleischerip oqaatigerusungilaa.

Amerikamiut imaani angallattunik nakkutilliisuisa Clipper Pacificimi amigaataasut ajoqutaasullu 66-it nassaaraat, maannalu tamakkua iluarsitinnagit New Yorkimiit ingerlaqqissinnaanani.