Umiarsuit takornarianik angallassisut amerlapput
Nunarsuarmi aningaasarsiornikkut ajornartorsiuteqaraluartoq tamanna iluatsittutut Nunatsinni Takornariaqarnermi Inuussutissarsiornermilu Siunnersuisoqatigiinnit nalilerneqarpoq. Umiarsuit takornianik angallasissut 330-eriarlutik nunatsinni umiarsulivinnut talissimanerat naammagisimaarnarpoq, nunarsuarmi aningaasarsiornikkut ajornartorsiteqarneq eqqarsaatigalugu, ukiunilu kingullerni umiarsuit takornarianik angallassisartut amerliartornerat Nunatsinni Takornariaqarnermi Inuussutissarsiornermilu Siunnersuisoqatigiinni siunnersorti Malik Milfeldt oqarpoq. Umiarsuaq takornarianik ilaasulik amerikamiunit pigineqartoq Emerald Princess ullumi Qaqortumut tikippoq takornarianik 3.000inik ilaasoqarluni. Umiarsuaq taanna takornarianik ilaasoqarluni angallassisut ukiormanna nunatsinnut tikittut kingullersarissavaat. Takornariat umiarsuanut ilaallutik nunatsinnut takornariaqartut ukiormanna qanoq amerlatiginerat suli naatsorneqanngillat
Takornariat nunatsinnut tikittut amerlassusii akileraartarnermut pisortaqarfimmit kisinneqartarput ukiullu naalernerani pisortatigoortumik saqqummiunneqassallutik.