Umiarsuit Nuummi tattoqipput

Nuup umiarsualiviani containerit amerliartuinnarput. Raajanik tulaassuinerit aatsaat taama amerlatigilersimanerat pissutaatinneqarpoq.

Nioqqutissat Danmarkimiit nunatsinnut assartorneqartartut aamma amerliartuinarnerat pissutaatinniarneqarpoq.

Containererpassuit assartorsinnaajumallugit Royal Arctic Line-i umiarsuarnik attartortariaqartalersimavoq. Containerit qerititsivillit imaqanngitsut 205-it Tyskit umiarsuaata attartugaasup nunatsinnukaassimavai. Saniatigut “Irene Arctica” nunatsinnukarsimavoq, kujataata avannaatalu akornanni containerinik assartuiartortinneqarluni.

Umiarsuaq containerersortoq “Rijn Trader” attartorneqarsimavortaaq. Taanna ukioq manna maajip qeqqata missaannit septembarip qeqqata tungaanut attartorneqassaaq.

Royal Arctic Line-imi immikkoortortami pisortap, Niels Clemensenip, nassuerutigaa, tamanna Royal Arctic Line-imut aningaasartuutaaqisoq, neriuutiginerarpaali assartukkat annertummata siunissaq eqqarsaatigalugu tamanna aningaasanik isertitaqarfiujumaartoq.

2005-imi qaammatini siullerni pingasuni assartorneqarsimasut, siornamut naleqqiullugu 4000 kubikmeterinik annertuseriarsimasut Niels Clemensenip ilanngullugu oqaatigaa.

Royal Arctic Line ullumi ataatsimeersuassasoq aamma oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat