Umiarsuit Issittup imartaani sunniinerlupput
Umiarsuarsuit motooriisa mingutsitsinerat, umiarsuarnit eqqakkat ajornartorsiutaanerat, umiarsuit takornarniutit perusuersartarfiiniit uffarfiiniillu imeq annertoorujussuaq maangaannartartoq, naalagaaffimmi New Yorkimi imaani angallannermut ilisimatuup, Sakkutuut Imarsiortut Universitetianneersup, Walter Nadolny-p, ataatsimeersuarnermi eqqartorpai.
Umiarsuit takornarniartaatit arlallit eqqagassaatitik naammaginartumik pisarpaat, umiarsuilli Issittumut pisartut amerliartuinnartillugit, eqqagassat pillugit inatsisit maleruarneqarnissaasa ajornartorsiuutaajartuinnarnissaat aarlerinarsiartuinnassaaq, Walter Nadolny oqarpoq.
Taanna isumaqarpoq umiarsuit allanertat avatangiisinut nakkutilliisoqartariaqartut, Issittup imartaani ajortiaqisuni avatangiisit pillugit inatsisit eqqortumik atorneqarnissaat taakkua nakutigissagaluarmassuk.
-Inatsisit sukaterneqarnissaat sumiiffinni assigiinngitsuni naalakkersuisut akisussaaffigaat, Walter Nadolny Iqalunni ataatsimeersuarnermi aalajangersumik oqarpoq.
