Umiarsuit issittumi angalasarnerat oqallisigineqarpoq

Umiarsuit takornarianik angallassisartut amerligaluttuinnartut Kalaallit Nunaanni issittumilu angalasarnerat, IMO-p ataatsimiinnerani oqallisigineqarpoq.

Umiarsuit takornarianik angallassisut 350-it missaannik amerlassuseqartut, Kalaallit Nunatsinnut ukiormanna aqqusaarput. Danmarkimi imarsiornermut qullersaqarfiup, Søfartsstyrelsep, nittartagaani tamanna allaaserineqarpoq.

Umiarsuit takornarianik angallassisartut Kalaallit Nunaannut angalasartut tamarmik issittup imartaani angalasinnaanissaminnut misilittagaat naammannersut qulakkerneqarsinnaanersoq, Danmarkimi imarsiornermik qullersaqarfimmit apeqquserneqarpoq.

Ulorianartorujussuarnik pilersitsisinnaanerat tunngavigalugu IMO-p tungaaniit qanoq iliuuseqartoqarnissaa oqallisigineqarpoq.

Maleruagassat suliarineqarnerat naammasseriarpat Naalagaaffiit Peqatigiinni ukioq 2012-imi saqqummiunneqassapput aalajangiunneqarlutillu, taannalu taaguuserneqassaaq Polarkoden.