Umiarsuit alapernaarsuutit atuakkiarineqarput

Danmarkimi Sakkutooqarfik ukiunik 500-nngortorsiorluni ukioq manna nalliuttorsiorpoq, tassungalu atatillugu atuakkanik arlalinnik saqqummersitsisoqassaaq.
januaarip 15-at 2010 10:31

Atuakkami siullermi sakkutuut imarsiortut Nunatsinnukartarnerat sammineqassaaaq.

Danmarkimi sakkutooqarfinniit 1930-kkunnili Nunatsinnukartoqartalerpoq, tamaani aalisarnermik nakkutilliineq, imaatigullu annaassiniartarneq oqartussaaffigisarlugit. Alapernaarsuutit katillugit qulit Nunatsinnut pingaaruteqarluinnartumik suliaqarsimapput.

Umiarsuit alapernaarsuutit nutaanngitsut marluk, nutaanik marlunnik 2008-mi siornalu taarserneqarput, alapernaarsuullu maanna ataasiinnanngorpoq.

Alapernaarsuutit qulit tamarmik, nutaallu marluk, Per Herholdt Jensenip atuakkiaani sammineqarput. Qulequttani immikkuullarissuni annaassiniarnerit alapernaarsuinerillu ilaatigut sammineqarput, Avanersuup avannaata imartaani alapernaarsuinerit oqartussaaffigineqarnerat ilanngullugu.

Atuagaq imartoorujussuuvoq assitarissaaqalunilu, alapernaarsuutit Nunatta imartaaniittut kusanaqisumik assilineqartarsimallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq