Umiarsuarsuit tingerlaataannallit akornanni umiaq
Umiarsuit tingerlaataannallit annerpaat kusanarnerpaallu 100-t aappaagu Århusiliassapput, tassani naapeqatigiittoqassammat. Naapeqatigiinneq Tall Ships’ Race-imik taaguuteqarpoq.
Århusip borgmesteriata Nicolai Wammenip ilimagaa inuit 1 millionit missaanniittut naapeqatigiinnermi Århusiliassasut.
Naapeqatigiinneq ulluni sisamani ingerlanneqassaaq, Århusillu nunatsinni illoqarfittut ikinngutaa Qaqortup Kommunea aamma peqataatitaqassalluni.
Taamaasilluni umiarsuit tingerlaataannallit akornanni umiamik ingerlaartoqassaaq, kalaallillu allatut aamma aliikkusersuissallutik.
- Taamaattumik juulip aallaqqaata missaani Århusimiinnissat kaammattuutigiinnassavara. Ilaquttatit ikinngutitillu ilaseralugit maanngarit, borgmesteri Nicolai Wammen oqarpoq.