Umiarsuarsuit Sullualukkoorniartut nalunaarsorneqartalissapput

Angallannermut Canadami ministereqarfiup nalunaarutigaa umiarsuit angisoorsuit Sullualukkoorniartut tamarmik Nordregimut nalunaarsorneqartalissasut. Canadami angallannermut ministeri, John Baird, ippassaq oqarpoq, taama nalunaarsuisalerneq angallannermut sunniuteqarluassasoq, umiarsuit isumannaannerulissapput taavalu Issittumi avatangiisit illersorneqarnerulissallutik, Canadami nutaarsiassaqartitsivik taama nalunaarpoq.Angallannermut Canadami ministereqarfiup nalunaarutigaa umiarsuit angisoorsuit Sullualukkoorniartut tamarmik Nordregimut nalunaarsorneqartalissasut.

Canadami angallannermut ministeri, John Baird, ippassaq oqarpoq, taama nalunaarsuisalerneq angallannermut sunniuteqarluassasoq, umiarsuit isumannaannerulissapput taavalu Issittumi avatangiisit illersorneqarnerulissallutik, Canadami nutaarsiassaqartitsivik taama nalunaarpoq. John Baird aamma oqarpoq, umiarsuup sumiinneranik ilisimatinneqarsimagaanni arlaannik ajornartorsiortoqalerpat, soorlu umiarsuit arlaat uuliakoorpat, ikiuukkiartornissaq ajornannginnerulissasoq.

Malittarisassat nutaat tassaapput umiarsuit ilisaritittalissasut, suminngaanneernerlutik Sullualuullu suatungaatigoorniarnerlutik ilanngullugu oqaatigisassallugu.

Canadami ministeriuneq Stephen Harper kingullermik issittumiikkami neriorsuivoq Sullualuk illersorniarlugu malittarisassaliortoqarumaartoq.

Umiarsuit Nordregimut nalunaarsuerusunnerlutik namminneq maanna aalajangertarpaat.

Ministeriuneq Stephen Harper arlaleriarluni oqartarpoq, Sullualuk Canadap imartaanut atasoq, Canadallu oqartussaaffigigaa.

Umiarsuup Sullualukkuunnginnerani nalunaarsorneqartalernissaa aamma pisariaqarpoq, umiarsuimmi Sullualukkoortartut amerliartuinnarput.

Malittarisassat juulip ulluisa aallaqqaataanni atuutilissapput.