Umiarsuarsuit ajutoornissaat ernumanartoqartippaa

Takornariat umiarsui takornarianik tuusintilikkaanik issimasullit nunatsinni umiussagaluarpata ajunaarnersuaqassagaluarpoq.
decembarip 28-at 2009 16:47

Taama danskit sakkutuui imarsiortut qullersaat ernumasaaripput, tassami umiarsuaq ikkarlussagaluarpat iluliarsuarmulluunniit apussagaluarpat danskit imarsiortui annaassiniartussatut inissisimammata.

Jan Bøsted, Kangilinnguani sakkutuut qullersarisaat aamma taamatut ernumasaarivoq:

Umiarsuit ajutoorsinnaanersut apeqqutaanngilaq, tassami ajutoortoqarnissaata tungaanut piffissaq apeqqutaaginnarpoq, Jan Bøsted taamatut oqaaseqarpoq.

Umiarsuit takornarianut ilaasartaatit europamiit indiaaqqamut ingerlaaraangamik kalaallit nunarput aqqusaassallugu nuannarilluinnartarpaat, umiarsuilli aamma ajutoortarput, tassa sikuijuitsoq kujallermi taamatut pisoqartareersimammat. Ilaatigut umiarsuit annanniutaat ammaannartuusarput, issimullu oqquiffissaqartaratik.

Nunatsinnilumi annaasiniartoqassangaluarpat imaannaanavianngilaq, tassami kalaallit nunatta imartai isorartoorujussuupput. Taamatut kommandørkaptajn Jan Bøsted naggasiivoq.