Umiarsuarsuaq qanoq ililluni tigusarineqarsinnaava

Somaliamiut immami ujajaasarnerat tusartualerlutigu, ippassaani tusarparput umiarsuarujussuaq, uuliamik assartuut, tiguarsimagaat. Tamanna inuppassuarnik tupigusuutigineqaqaaq. Qanoq ililluni umiarsuarsuaq tigusarineqarsinnaava?

Uuliamik assartuuterujussuaq, Sirius Star, 318.000 tonsinik oqimaassusilik, 333 meterinik takissusilik, Afrika kujaqqullugu, ujajaasoqannginnerartagaatigut ingerlaartilluni, ujajaanianit tigusarineqarpoq. Umiarsuaq uuliamik nappartatut 2 miliuunitut annertutigisumik usilluni, taamaammallu pukkililluni ingerlaartilluni tigusarineqarpoq. Ujajaaniat atortorissaaqalutillu sakkugissaaqisut ikaariarlutik umiarsuarujussuarmi inuttat 25-iinnaasut tigusaraat. Tigusarinninneq pivoq imartarujussuup nunanit tamanit alapernaarsuutit isumannaallisagaasa avataani. Amerikamiulli alapernaarsuisut ilaanniit oqaatigineqarpoq imartaq alapernaarsuiffiusoq taama angitigisoq isumannaallivissorneqarsinnaanngitsoq. Ujajaasut qanoq akiliisitsiniarnissaat maanna utaqqiinnarneqalerpoq. Akikinaarnavianngilaallu. Umiarsuarmi Saudi Arabiameersoq 600 miliuuni koruunit sinnerlugit nalilinnik useqarpoq. Umiarsuarlu nunarsuatsinni nutaaliaanersat ilagigamikku aamma akisoorujussuulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat