Umiarsuarsuaq atorlugu Nunarput qallunaanut nittarsaanniarpaat

Ilaatigut suliniutiginiagaannut ilaapput Air Greenlandimik suleqateqarluni annertuumik tuniniaanissaq aamma inunnik Danmarkimi ilisimaneqarluartunik umiarsuarmi oqalugiartitsisarnissaq.

Framip umiarsuarmik takornariartitsisarneri iluatsilluartorujussuupput, takornariallu nunarsuarmit tamarmeersut ilaasarput. Hurtigrutimillu qallunaat amerlanerusut nunatsinnut takornariarnissaat kissaatigineqarpoq. Suliniut marsimi 2009-mi aallartinneqassaaq. Umiarsuaatillit tikitaminni assigiinngitsunik aaqqissuussinerit aqqutigalugit illoqarfiit tikitatik akuutilluartarpaat, tamatumalu saniatigut umiarsuarmi oqalugiartitsisoqartarpoq.

Assersuutigalugu tv-mi nakorsaq ilisimaneqartoq Peter Qvortrup Geisling ukiormanna Qeqertarsuup Tunuani umiarsuarmi angalaqataassaaq. Tv-mi nakorsap nuannarineqarluartup taassuma 2005-imi Kunngissap Frederiup Tunup Avannaani qimusseqatiginera oqaluttuarissavaa.

Qallunaat ilisimaneqarluartut arlallit taamatut oqalugiartittarnissaat siunertaralugu maanna suliniartoqarpoq.

Oqalugiartinneqartartussat kikkuussanersut 2009-mi upernaakkut saqqummiunneqassapput. Tamanna Hurtigrutep nunatsinnukartitsisarneranut akisussaasup Ida Lund Wintherip oqaatigaa.