Umiarsuarnut ilaallutik Nunatsinnut takornariat amerligaluttuinnarput

Nunatsinni Akileraartarnermut qullersaqarfimmiit kisitsisit nutaat takutippaat, inunnik 29.000-inik umiarsuarnik Nunatsinnut siorna takornariartoqarsimasoq. Taamaalilluni 2003-mi kisitsisinut sanilliullugit umiarsuarnik takornariat pingasoriaammik amerlisimapput.
Allattoq Jaaku Lyberth
februaarip 25-at 2009 06:47

Nunatsinni Takornariaqarnermi Inuussutissarsiornermilu Siunnersuisoqatigiit nalunaarput umiarsuarnik takornariartut aatsaat taama amerlatigisut.

Siunnersuisoqatigiit suliariniakkanut tusagassiisarnermullu pisortaat, Anders la Cour Vahl, oqarpoq, taamatut ineriartornerup takutikkaa, Nunatsinni takornariarnermik suliaqartut kiffartuussinissaminnik neqeroorutigisinnaasaminillu piumaneqartunut tulluarsaalluarsimallutillu ineriartortitsilluarsimasut.

Nunatsinni Takornariaqarnermi Inuussutissarsiornermilu Siunnersuisoqatigiit takornarianik sullissisartunik Nunatsinni sumi tamaneersut peqatigalugit, ualeru immikkut sammisaqartitsinerminni siorna takornariaqarnerup ingerlasimanera, aappaagumullu qanoq ingerlanissaata takorloorneqarnera, eqqartussavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq