Umiarsuarnissamut bilitseernialernissaq

Arctic Umiaq Linep sinersortaatinut ilaasussat bilitsissaannik inniminniinissaq tuniniaanerlu ippassaq aallartippaa.

Sarpik Ittummut ilaasussat bilitsissaat nungungajalersut nalunaarutigineqarpoq. Sinersortaat juunimi sinersulissaaq. Akisunermilu inissat amerlanerit atorneqalissapput sinersortaat allanngortiterneqareersimassammat.

Sinersortaatip aappaani, Sarfaq Ittummi, akisunermi inissat aamma nungulerput.

Akisunerit paarnaartartut, akikinnerit issiaannarlunilu inissat suli inniminnerneqarsinnaapput, Arctic Umiaq Linep bilitseerniarfiata immikkoortortaqarfiani pisortaq Dorthea Josefsen taama ilisimatitsivoq.

Arctic Umiaq Linep immikkoortortaqarfiani Nuummiittumi taamaallaat bilitsisisoqarsinnaavoq.

Februuaarilli qaammataani TELE POST aqqutigalugu bilitseerniartoqalernissaa pilersaarutigineqarpoq.

Bilitsinik tuniniaanermi qarasaasiakkut atortunik atuinissamut sulisunut pikkorissartinneqareerpata bilitseerniarneq aallartissaaq.