Umiarsuarmit ajunaalernermk kalerrisaarut Upernaviup eqqaaniit nassiunneqarpoq
Paasiniaaniarneq ajornakusoortorujussuuvoq, tassami ujaasiffissaq pineqartoq avannaani Nuussuarmiit kujasinnerusumi Illorsuit tungaanut atammat. Ilimagineqarporli umiarsuaq nunap iluatigut aqqutikkoorsimassasoq. Kangilinnguani Sakkutooqarfimmi pigaartoq, Klaus Dupont Iversen, ilisimatitsivoq.
Umiarsuaq alapernaarsuut, Knud Rasmussen, aamma timmisartoq Challenger, Kangilinnguani Sakkutooqarfimmit aallartinneqareerput, politiillu angallataat Sisak II aamma ujaasiartortinneqareerluni. Angallatit maanna ujaasiffimmiilereerput.
Upernaviup eqqaani umiarsuarmik ajunaalersumik nalunnginnittoqarpat, imaluunniit inunnik ilisarisimasaminnik ilaquttaminnilluunniit maannakkorpiaq maqaasisaqartoqarpat, Kangilinnguani Sakkutooqarfimmut tuaviortumik sianeqquneqarput, taqqavani Sakkutooqarfiup normoraa 69 19 11. Upernavimmi politiit aamma sianerfigineqarsinnaapput, taavani politiit normoraat 59 02 22.
