Umiarsuarmik takornariartaatip avaqqutiinnarsinnaavaatigut
Seabourn Sojourn umiarsuaavoq aningaasaatilinnut akunnittarferujussuusoq, umiarsuullu nunarput ornittassaneraa maanna nalornissutigineqarpoq. Ilaasunut akitsuutip qaffasippallaarnera taamatut eqqarsaateqarnermut pissutaavoq.
Takornarianut akitsuut siorna 75 koruunimik qaffanneqarpoq, 450 koruunimit 525 koruunimut.
Ingerlatsinermut pisortap Dag Tømmervik-ip oqarnera naapertorlugu akitsuut allanut naleqqiullugu angivallaartoq, soorlu Københavnimut Reykjavikkimulluunniit.
-Akitsuut umiarsuaatileqatigiit akiligassaat 235.000 koruuniussaaq, akitsuullu taamaattoq soorlu Reykjavikkimi 125.000 koruuneqarpoq, Tømmervik Sermitsiamut oqaluttuarpoq.
Qaqortup aappaagu ornitassat ilagissaneraat umiarsuaatileqatigiit maanna nalilersussavaat.
Kalaallit Nunaanni Takornariaqarnermut Inuussutissarsiornermullu Siunnersuisoqatigiivisa akitsuutit aporfiusinnaanerat misigisareerpaa. Akitsuutit naleqqunnerusumik aaqqissuunneqarsinnaanerat oqartussaasut attuumassuteqartut eqqarsaatigissagaat Siunnersuisooqatigiit kajumissaarutigaat, taamaaliornikkut umiarsuaatileqatigiit nunarput avaqqutiinnagassatut isigiunnaassammassuk.
