Umiarsuarmik Gazamut aallartitsilerput
Røde Halvmåne - Iranimiut Røde Korsiat - Gazamut umiarsuarmik aallartitsiniarluni pilersaaruteqalerpoq, taamaaliorniarnerminni inuit pisinnaasut kaammattorpaat ilaaqqullugit, Iranimi nutaarsiassaqartitsivik Irna allappoq.
Allattoq Apollo Jeremiassen
juunip 07-at 2010 10:03
Iranimi Røde Halvmåne-p pisortaa, Abdolrauf Adibzadeh, Irnamut oqarpoq, Iranimi nunami namminermi ministerip ataatsimeeqatigereernerani taamaaliornissaq aalajangerneqarsimasoq.
- Umiarsuup ataatsip usigissavai Iranimi innuttanik tunissutit, aappaatalu inuit ikiuisussat ilaasorissallugit. Umiarsuit taakku marluk sapaatip akunnerani tullermi aallartinneqassapput, Abdolrauf Adibzadeh oqarpoq.
Iraniumiut umiarsuarnik Gazamut aallartitsiniarnerat Gazami pissutsinnut ajornerumik kinguneqartitsisinnaanerat aarleqqutigineqarpoq.
Sapaatip akunnerani kingullermi Israelimiut sakkutuuvisa uniarsuarmut ikillutik Gazamut ikiuiniat quligiluat toquppaat.
