Umiarsuarmi assartuummi inuttat 19-it aallarunneqartut
Umiarsuaq assartuut uuliamik useqarluni saassunneqarpoq.
Umiarsuarmi inuttani 19-iusuni 18-it Indiamiuupput ataaserlu Tyrkiamiuulluni. Umiarsuaq usigisaalu ajoquserneqanngillat.
Grækerit umiarsuaat assartuut saassunneqartoq Hongkongimi nalunaarsugaasoq nappartanik 2 millioninik useqarsinnaavoq.
Grækerit umiarsuaatileqatigiiffat Navios Tankers Management umiarsuarmik piginnittuuvoq.
Umiarsuaq "Nave Constellation"-imik ateqarpoq.
- Umiarsuarmi inuttat 19-it aallarunneqartut annaanneqarnissaat sapinngisamik qulakkeerniarsaraarput, Navios Tankers Managementip oqaaseqartartua taama oqarpoq. Umiarsuarmilu inuttat ilaqutaat pisoq pillugu ilisimatinneqareertut, oqaaseqartartup oqaatigaa.
Ujajaaniat Afrikap kitaata avataani - ingammik Nigeriap avataani - saassusseratarsinnaanerat nunarsuarmi umiarsuaatileqatigiiffinnut qaammatini kingullerni mianersoqqussutigineqaqattaarpoq.
Umiarsuaq A.P. Møller - Mærsks Maersk Linemit attartugaq Nigeriap avataani siorna saassunneqarmat umiartortut aqqanillit aallarunneqarlutik tigusarineqarput.