Umiarsuaq uuliamik assartuut Sri Lankap sineriaani ikuallallunilu uuliakoortoq

Umiarsuarmit, uuliamik 270.000 tonsimik useqartumit, ikuallattumit inuttanit 23-nit 22-t annaanneqarput.
- Ikuallattoq siammarterpoq uuliakoortoqalerlunilu, Sri Lankap sakkutuuisa timmisartortartuinit oqaaseqartartoq, Dushan Wijesinghe nutaarsiassaqartitsivimmut dpa-mut oqarpoq. Assi © : AFP/Ritzau Scanpix
Allattoq Ritzau
septembarip 04-at 2020 09:24
Nutserisoq Connie Fontain

Sri Lankap kujataa-kangisissortaani umiarsuaq uuliamik useqartartoq ikuallallunilu uuliakuulerpoq.

Sri Lankap sakkutuuisa timmisartartui paasissutissiisut nutaarsiassaqartitsivik dpa allappoq.

Umiarsuarmi inuttaq ataaseq maqaaseqarpoq, inuttallu 22-t annaanneqarput.

- Ikuallattoq siammarterpoq uuliakoortoqalerlunilu, Sri Lankap sakkutuuisa timmisartortartuinit oqaaseqartartoq, Dushan Wijesinghe nutaarsiassaqartitsivimmut dpa-mut oqarpoq.

Umiarsuaq ”MT Diamond” 270.000 tonsimik uuliamik useqarpoq.

Umiarsuaq Kuwaitiamit Indiamukartilluni qaartoqarnerata umiarsuaq aalassatsippaa. Tamatuma kingorna umiarsuup maskinaqarfiani ikuallattoqalerpoq.

- Ikuallattoq erseqqarlunnera pissutigalugu unitsiinnartariaqarsimavarput, Dushan Wijesinghe dpa-mut oqarpoq.

Sakkutuut imarsiortut umiarsuaata oqaaseqartuata indiamiut sinerissami alapernaarsuisui sumiiffimmukariartortut paasissutissiissutigaa. Umiarsuit allat marluk umiarsualivimmi qanittumiittut aamma qamisaanermut ikiuukkiartorlutik ornigupput.