Umiarsuaq uuliamik assartuut navianartorsiortoq

Umiarsuaq uuliamik dieselimik assartuut, Rusland avannaqqullugu Kangianut aqqummi puttaamut apornermi kingorna ikiortissaminik sapaatip-akunnera ataaseq utaqqisariaqarsimavoq.
Allattoq Marianne Stenbæk, Montreal, Canada, Carla Davidsen
septembarip 16-at 2013 07:04

Umiarsuaq taanna,Norvik, 138 meterinik takissusilik, diesel uuliamik ulikkaavilluni usivoq, puttaarlu aporamiuk umiarsuup putuneratigut imaq maanna isaalersimasoq, aviisimi Barents Observerimi, allaaserineqarpoq. Umiarsuarmi inuttat umiarsuup putunera siminti atorlugu iluarsaanniarsarigaluarpaat.

Rusland avannaqqullugu Kangimut aqqutikkooraanni umiarsuarmik sikunik aserorterummik tamatigut ingiallorteqarnissamik malittarisassat Norvik-ip malissimanngikkaa ilimagineqarpoq, aamma ilimagineqarluni immani sikoqarpianngitsuni angalanissaminut taamaallaat akuerisaasoq.

Sapaatip-akunnera utaqqereerluni ikiuisussat maanna anngussimapput, uuliallu assartorneqartup annersaata umiarsuarmut allamut nuunnissaa maanna iluatsereerpoq.

Norvik umiarsuarnit sikunik aserorterutinit marlunniit ingiallorneqarluni angerlamut Khatangamut, maanna utertussanngorpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq