Takornariartaat ajutoortoq: Umiarsuaq umiarsualivimmut apuutereerpoq
Takornariartaat Viking Sky arfininngormat ikkarlingajappoq, taamaalillunilu ajutuungajalluni. Umiarsuit pillugit ingeniøri Hans Otto Holmegaard Kristensen taama ilisimatitsivoq.
- Ajunaarnersuaqangajassimasoq paasivara. Annaassiniartartut najuunnerat ajunaarnersuaqannginneranut pissutaavoq, taanna oqarpoq.
Annaassiniarneq ippassaq aallartinneqarpoq.
Hans Otto Holmegaard Kristensenip oqaatigaa umiarsuup kisaqqanera ajunaarnersuaqannginneranut pissutaasoq.
Takornariartaat 1373-inik ilaasoqarpoq, taakkunannga 17-it napparsimmaviliaanneqarput. Pingasullu ajoquserujussuarsimapput.
AAMMA ATUARUK Stort krydstogtskib evakueres ud fra Norges kyst
Ilaasulli sinneri umiarsualivimmi Moldemiipput.
- Annappugut, ilaasut ilaat Norgemiut tusagassiiviannut NRK-mut taama oqarpoq.
Ilaasut amerlanerit Tuluit Nunaanneersuupput Amerikameersuullutillu.
Moldemilu kommunimi upalungaarsimasut piareersimapput.
- Pisoq annilaarnartoq ajunngitsumik naggasernialerparput, oqaaseqartartoq Jan Arve Dyrnes sapaammi taama ilisimatitsivoq.