Umiarsuaq takornarianik angallassisoq sikuiutsumi kujallermi ikkarlippoq

Umiarsuaq takornarianik angallassisartoq Ocean Nova, siornatigut Sarpik Ittuk mik ateqartoq, sikuiuitsumi kujallermi ikkarlinnerata kingorna ilaasui inuttaalu tamarmik umiarsuarmut allamut nuunneqarput, nutaarsiassaqartitsivik AFP taamatut allaaserisaqarpoq.
Allattoq Jaaku Lyberth
februaarip 18-at 2009 14:04

Ocean Nova sikuiuitsumi kujallermi angalanermini 74-inik ilaasoqarpoq 30-inillu inuttaqarluni, ilaasut pingasut umiarsuup naalagaa ilanngullugu qallunaajupput.

Ilaasut tamarmik umiarsuarmut allamut nuunneqarsimasut ritzau nalunaarpoq. Umiarsuarlu isumannaatsumut inissinneqarluni angalatsiseqatigiiffik nalunaarpoq. Umiarsuarmi inuttat kisimik umiarsuarmiipput, ilaasullu umiarsuarmut angalatitseqatigiiffiup umiarsuaataannut allanut nuunneqarlutik.

Umiarsuaq takornarianik angallassisartoq Kalaallit Nunaata sineriaani ilaasunik angallassisarallarami Sarpik Ittumik ateqarpoq, maannakkut aasaanerani takornarianik angallassisarluni. Ocean Nova ippassaq ikkarlippoq angalatitseqatigiiffik Quark Expeditions angallassissullugu. Umiarsuaq ikkarlinnermini ajoqusersimanngilaq, tamatumunngalu pissutaatinneqarpoq umiarsuaq issittumi angalasartussatut sanaajummat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq