Umiarsuaq qinnguartaammik usisoq Kujataanukalerpoq

Umiarsuaq qinnguartaammik usisoq, tb-mik misissuiartorluni ullumimiit Kujataani nunaqarfinnut tamanut angalassaaq. Umiarsuaq siullermik Qassimiunukassaaq, kingornalu Nanortallip, Qaqortup Narsallu nunaqarfii angallavigissavai.

Allattoq Louise M. Kleemann

septembarip 24-at 2008 09:10

Nunaqarfinni ataasiakkaani allagarsiinikkut, umiarsuup qaqugu tikinnissaa ilisimatitsissutigineqartassaaq, soorluttaaq tamakku KNR-ip tv-kkut allagarsiiviatigut takutinneqartassasut.

Innuttaasut 15-inik ukioqalereersimasut tamarmik qinnguartartinnikkut sakialluummut tb-mut misissortinnissaat, Peqqinnissamut Nakkutilliisoqarfimmit kajumissaarutigineqarpoq. Aamma naak napparsimasutut misigisimanngikkaluaraanniluunniit.

Umiarsuaq nunani tamalaani nappaammut sakialluummut tb-mut akiuiniarluni suliniuteqarnermut ilaatinneqarpoq, tassami nunatsinni ukiuni kingullerni agguaqatigiissillugu ukiumut 83-it nappaammit tunillanneqartarmata. Kisitsit Peqqinnissamut Nakkutilliisoqarfimmit qaffasissorujussuartut isigineqarpoq, tassami nunarput taamaalilluni nunanut ineriartortunut assersuunneqarsinnaammat.

Umiarsuaq qinnguartaammik usisoq Kujataanukalerpoq

Aamma atuaruk