Umiarsuaq Orasila mianersoqquneqartareeraluarpoq
Umiarsuarmi uuliamik assartuummi, Orasilami, inuttat akornanni ajunaartoqarsinnaanera Umiartortut Kattuffiata siusinnerusukkut mianersoqqussutigisarsimavaa, Kattuffillu eqqortumik mianersoqqusisimagaluarpoq. Uuliamik assartuummi inuttat marluk januaarimi ajunaarput, umiarsuarlu ulloq taanna aamma ikkarlippoq.
Aviisimi Fyens Stiftstidendemi allaaserineqartut naapertorlugit, umiartortoq misilittagartooq misilittagaqarpianngitsumik taarserlugu Orasila inuttalerneqarmat, umiarsuaatileqatigiiffik
M.H. Simonsen Umiartortut Kattuffiannit sakkortuumik qisuariarfigineqarpoq. Orasila uuliamik Nunatsinni Kujataani nunaqarfinnut assartuisussanngortorlu umiartortut taama taarsernissaat akuersissutigineqarpoq. Tamanna kinguneqarnerluppoq, umiartortummi marluk nunaqarfimmut Saarlumut slangimik ikummatissamut atorneqartartumik nassarlutik umiatsiamik ikaarusseriaraluarlutik kinngupput.
- Ajoraluartumik ilumoortumik oqalussimavugut. Taperserneqarsimagaluarutta ajunaarneq pinngitsoorsimasinnaagaluarpoq. Orasilap misilittagartuunik inuttaqarsimannginnera Imarsiornermik Qullersaqarfiup akisussaaffigaa, Umiartortut Kattuffianni sulisut sinniisaat, Morten Bach, oqarpoq.
Orasilami inuttat misilittagakinnerat Umiartortut Kattuffiannit 2006-imi aamma uparuarneqarpoq, ajutoortoqarnissaami taamaalilluni qaninnerussammat, tassanilumi aamma ilumoorlutik oqalussimapput.
Inuttat januaarip ulluisa 16-ianni ajunaarput, uuliamillu assartuut ulloq taanna kingusinnerusukkut aamma ikkarlippoq, kivissanngikkunillu uulia 40 tonsi piiartariaqarlugu.
Umiartortup misilittagartuup misilittagakinnermik taarserneqarnera ajunaartoqarneranut pissutaanerarneqarmat Imarsiornermut Qullersaqarfimmit akerlilerneqarpoq.
Umiarsuaatileqatigiiffik isumannaallisaanermut atortunik naammattunik peqarsimannginnerarlugu Imarsiornermut Qullersaqarfimmit politiinut unnerluutigineqarpoq. Ajunaartut puttaquteqarnatilluunniit annanniuteqarsimanngillat.
Umiarsuarmi uuliamik assartuummi, Orasilami, inuttat akornanni ajunnaartoqarsinnaanera Umiartortut Kattuffiata siusinnerusukkut mianersoqqussutigisarsimavaa, Kattuffillu eqqortumik mianersoqqusisimagaluarpoq. Uuliamik assartuummi inuttat marluk januaarimi ajunaarput, umiarsuarlu ulloq taanna aamma ikkarlippoq.
Aviisimi Fyens Stiftstidendemi allaaserineqartut naapertorlugit, umiartortoq misilittagartooq misilittagaqarpianngitsumik taarserlugu Orasila inuttalerneqarmat, umiarsuaatileqatigiiffik
M.H. Simonsen Umiartortut Kattuffiannit sakkortuumik qisuariarfigineqarpoq. Orasila uuliamik Nunatsinni Kujataani nunaqarfinnut
assartuisussanngortorlu umiartortut taama taarsernissaat akuersissutigineqarpoq. Tamanna kinguneqarnerluppoq, umiartortummi marluk nunaqarfimmut Saarlumut slangimik ikummatissamut atorneqartartumik nassarlutik umiatsiamik ikaarusseriaraluarlutik kinngupput.
- Ajoraluartumik ilumoortumik oqalussimavugut. Taperserneqarsimagaluarutta ajunaarneq pinngitsoorsimasinnaagaluarpoq. Orasilap misilittagartuunik inuttaqarsimannginnera Imarsiornermik Qullersaqarfiup akisussaaffigaa, Umiartortut Kattuffianni sulisut sinniisaat, Morten Bach, oqarpoq.
Orasilami inuttat misilittagakinnerat Umiartortut Kattuffiannit 2006-imi aamma uparuarneqarpoq, ajutoortoqarnissaami taamaalilluni qaninnerussammat, tassanilumi aamma ilumoorlutik oqalussimapput.
Inuttat januaarip ulluisa 16-ianni ajunaarput, uuliamillu assartuut ulloq taanna kingusinnerusukkut aamma ikkarlippoq, kivissanngikkunilu uulia 40 tonsi piiartariaqarlugu.
Umiartortup misilittagartuup misilittagakinnermik taarserneqarnera ajunaartoqarneranut pissutaanerarneqarmat Imarsiornermut Qullersaqarfimmit akerlilerneqarpoq.
Umiarsuaatileqatigiiffik isumannaallisaanermut atortunik naammattunik peqarsimannginnerarlugu Imarsiornermut Qullersaqarfimmit politiinut unnerluutigineqarpoq. Ajunaartut puttaquteqarnatilluunniit annanniuteqarsimanngillat.
