Umiarsuaq MV Rachel Corrie akornuserneqanngikkuni Gazap sineriaanut aqagu ullup ingerlanerani tikissasoq, nutaarsiassaqartitsivimmi Reutersimi allaaserineqarpoq.
Naalagaaffiit Peqatigiit isumannaallisaaniaqatigiivi - pissaaneqaqisut -unnuaq ataatsimiipput, ippassarlu pisimasut assuarleqalugit.
Isumannaallisaaniaqatigiit ilutigalugu piumasaraat tigusaaqqasut tamarmik ingerlaannaq iperagaassasut, israelimiullu misissueqqissaassasut.
Isumannaallisaaniaqatigiilli piumasaat israelimiut tusaanngitsuusaarpaat, aamma umiarsuaq Gazaliartoq nutaaq unitsinniassamaarlugu.
- Rachel Corrie unitsissallugu piareersimavugut, sakkutooq israelimiu aterminik taaserusunngitsoq oqarpoq.