Umiarsuaq immikkorluinnaq ittoq massakkorpiaq Nuummiippoq
Knorr imaani misilittagartuujuvoq. 1968-imi singinneqarpoq 91-imilu nutarterneqarluni. Knorrip maannamut sømilit 900.000-ingajaat ingerlaarfigisimavai.
Amerikamiut umiarsuaat taanna oqaluttuassartaqaqaaq, imarpissuit tamaasa ukioq kaajallallugu ingerlaarfigisinnaavai, aamma talinngikkaluarluni qaammatit marluk angalasinnaalluni. Ilisimatuutut misissuinermi atortut saniatigut umiarsuarmi inuit 55-it issimasinnaapput, taakkunannga ilisimatuutut misissuisunut 32-nut inuttanullu 23-nut inissaqarluni.
Misissuiveqarpoq, kivittaateqarluni, aqqartartut robot-it pigalugit, atortunullu iluarsaasarfeqarluni. Umiarsuarmut misissuiviusumut Ernest R. Knorr atsiunneqarsimavoq, taanna Amerikami sakkutuunut imarsiortunut 1860-imit 1880-imut immami pissutsinut ingeniøriuvoq aamma nunap assiliortuulluni, taamanilu USA-p imartaa sukumiisumik immap assiliorlugu aallartippaa.
