Umiarsuaq Hans Hedtoft sumiissusersiniarneqalerpoq

Aqqartartut suleqatigiit maanna Hans Hedtoftip sumiissusersiniarneranut atugassanik aningasanik katersuillutik aallartipput.
februaarip 01-at 2010 13:55

Umiarsuup Hans Hedtoftep umiuneranit ukiut 50-t qaangiutereeraluartut, pisoq eqqartorneqaqqilerpoq.

2003-mi Hans Hedtoftip sumiissusersiniarnera aallartisarniarlugu, Qanganisalerituut arlaqanngitsut, imaani aqqartartunik ilalerlutik, suleqatigiimmik aallartitsipput, siunertaralugu aningaasanik naammattunik katersinissaq.

Umiarsuaq sanaajuvoq issittumi angalasinnaasutut. Umiarsuaq taamani KGH-mit sanatitaavoq, ministeriunerusimasumullu Hans Hedtoftimut atsiussaalluni. Angalaqqaarnermili januaarimi 1959-mi umiummat ilaasut 95-it tamarmik ajunaarput, taakkunannga inuttat 40-t, ilaasullu 55-t.

Ulloq manna tikillugu paasineqanngisaannarpoq, sooq qanorlu uumiarsimanersoq.

Umiunerata kingorna annaassiniarneq ujaasinerlu aallartinneqarpoq, kinguneqanngitsumilli. Umiunerata kingorna, qaammatit qulingiluat qaangiuttut, umiarsuup kransia Islandimi nassaarineqarpoq.

Elna Egede aamma Sandra Vinding, umiiaqataasunut kinguaajusut, suliniaqatigiit ilassilluarlugit tapersersorpaat.

- Uangut ilisimanngilarput qanoq ililluni umiusimanersoq. Uagutsinnut issanngunarpoq, susoqarsimanersoq paasinikuunnginnatsigu. Elna Egede taama oqarpoq.

Tamatumunnga Sandra Vinding oqarpoq:

- Isumaqarpunga umiarsuaq sumiissusersineqartariaqartoq.Suliniaqatigiit tapersersorpakka. Uagutsinnut pingaaruteqarpoq paasissallugu, sooq umiarsuaq kivisimanersoq, naak inuit ilaat isumaqaraluartut immap naqqani ilivii eqqissisimatittariaqartut. Sadra Vinding, uumiartut kinguaavisa ilaat taama oqarpoq.