Malik Arctica sikorsuarnit maanna anillaqqippoq.Assi: Royal Arctic Line.

Umiarsuaq containerinik useqartoq Ittoqqortoormiit eqqaanni sikumit nikissinnaalersoq

Malik Arctica Ittoqqortoormiit eqqaanni sikorsuarni ippassarli ingerlaqqissinnaajunnaaqqasimavoq.

- Sumiiffimmi ulluni tulliuttuni silap anorillu qanoq innissaat umiarsuup qaqugu sikorsuarnit ingerlaqqissinnaaneranut apeqqutaassapput. DMI qaammataasamit assilisanik ingerlaavartumik tunniussisarpoq, taakkulu takutippaat naammagittalaartariaqassasugut.

Royal Arctic Line tusagassiuutinut ullaap tungaani taama nalunaaruteqarpoq.

Nalunaaruteqarnermili kingunitsianngua nutaamik nalunaaruteqarpoq - tassa Malik Arctica sikorsuarnit anillassimavoq.

Umiarsuaq ukiornissaanut peqqumaatissanik useqarluni Ittoqqortoormiit eqqaaniippoq.

AAMMA ATUARUK Umiarsuaq ukiornissaanut peqqumaatissanik pilersuisoq sikorsuarnit ingerlasinnaajunnaaqqasoq

Sikut qanoq inneri unammillernartoq, Royal Arctic Line umiarsuup sikorsuarnit suli nikissinnaajunnaaqqanerani tusagassiuutinut nalunaaruteqarnermini allappoq:

- Malik Arcticap umiarsualivimmi talissinnaannginneranut sikorsuit pissutaapput ukiup sikua pissutaanani, ajoraluartumillu sikorsuit ingerlaarnerat ukiup sikuanit nalinginnaasumit naatsorsoruminaanneruvoq.

- Ukiussamut sikujartornera pineqarsimasuuppat umiarsuaq Malik Arcticatut ittoq sikumik aserorteraluni umiarsualivimmut apuussinnaavoq.

Malik Arctica 114 meterinik takissuseqarpoq containerinillu 20 fodsinik 606-inik useqarsinnaalluni.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat