Umiarsuit nutaat Sikuki Harbourilu RAL-imut unammillernarput

- Ukiormanna naggataamik periarfissagissaarluta sulisinnaaffigaarput, piffissamullu unammillernartoqarfiusussamut piareersarluta, Royal Arctic Linemi pisortaaneq Verner Hammeken oqarpoq.

Aamma atuaruk Kuno Fencker siulittaasutut ingerlaqqippoq

Pisortaaneq naapertorlugu 2017-imi sinneqartoorutissat 2016-imut sanilliullugit ikinnerusinnaapput.

Umiarsuaatileqatigiiffiummi angusai ukiormanna qaammatini siullerni pingasuni 8,4 mill. koruuninik sinneqartooruteqarfiupput. 

Aamma atuaruk Royal Arctic Line Danmarkiliartarnerulissaaq

Nuup umiarsualivissaata naammassineqarnissaa matumani ilaatigut peqqutaavoq. 

Aningaasartuuteqarnerulersinnaasut

- Umiarsualivissaq, Sikuki, piareerpat, atorneranut akiliisassaagut, aningaasartuuteqarfiussaqaarlu, pisortaaneq oqarpoq.

Aningaasartuutit tamatumunnga ukiumut 40 millionit koruuniusassasut taakkualu qaavitigut umiarsualivissap allaffissornikkut aningaasartuutai ilanngunneqarsinnaallutik, Verner Hammekenip oqaatigaa.

- SIKUKI-p uagut akiliutigut atorlugit allaffissornermut aningaasartuutai amerlanerussappata, taava uaguinnangajak tamatumunnga matussusiisinnaavugut. Taama pisoqariataarsinnaanera ilumoorullugu sillimaffigaarput.

Umiarsuaatit pisoqaliartorneri unammilligassanut aamma ilaapput, taamaammallu Royal Arctic Linep piginnittui, tassalu Namminersorlutik Oqartussat agguagarsissanngitsut, piginneqatigiiffiup siulersuisuisa inassutigaat. 

Aamma atuaruk Assartukkanut akit sinneqartoorfiusut

Aamma atuaruk RAL-ip Danmarkimi ingerlatseqatigiiffiutini pingasut tuninialerai

Aningaasammi tamaasa pisariaqartinneqarput, pisortaaneq erseqqissaavoq. 

- Aningaasaqarnerput patajaallisartariaqarparput, nutaanillu umiarsuarsinissatsinni pituttorsimanata nammineq aningaasaatitsinnik akiliisinnaarusuppugut.