Umiarsualiviit annertusaavigineqassapput

Nunatsinni umiarsualiviit annertusarnissaat pillugu nalunaarusiat pingajussaat saqqummeqqammerpoq.

Umiarsualiviit annertusaaffigineqarnissaat pillugu nassuiaat sisamanngormat saqqummerpoq, taamaalillunilu pingajussaanik nassuiaammik saqqummiisoqarluni.

Ineqarnermut attaveqarnermullu pisortaqarfik suliarinnittuusoq nalunaarusiami ilaatigut allaaserinnippoq Nuummi Uummannamilu umiarsualiviit annertunerpaamik allilissappata tamakkiisiumik aningaasartutit 660 mio. koruuninik naleqassangatinneqartut. Minnerusumilli annertusisinermi umiarsualivinnut aqqaniliusunut 400 mio. koruunit minnerpaamik atorneqartariaqassasut.

Nalunaarusiami nikingassut annertunerpaaq tassaavoq Nuummi naaralaartitsiveqarfimmi nutaamik umiarsualiviliorniarneq katillugu 430 mio. koruuninik naleqartussaq.

Nuummi umiarsualivik aqqutigalugu assartukkat 1999-imiilli 40 procentimik amerleriarsimapput. Nalunaarusiaq saqqummeqqammersoq 2002-mi 2003-milu nalunaarusianik siuleqarpoq, taakkulu tamarmik inernilerpaat Nuummi umiarsualivik annertusartariaqartoq.

Nalunaarusiaq naalakkersuisut siunnersuutaattut maajip 22-ani inatsisartut ataatsimiinneranni saqqummiunneqarumaarpoq.