Umiarsuaatillit issittukkoornissamut piareersarput
Russit umiarsuaata sikunik aserorterutip, atomimik ingerlateqartup pisortaata, Vyacheslav Ruksha-ip oqarnera naapertorlugu, uuliamik usisut umiarsuit, Barentip Imartaa aqqutigalugu kangialiartarnissaat naatsorsuutigineqarpoq, aviisi The Barents Observer allappoq.
Sikunik aserorterutit atomimik ingerlateqartut iluaqutigalugit, umiarsuit nioqqutissanik allanillu usisut, aqqut ingerlaarfigisassagaat naatsorsuutigineqarpoq.
Umiarsuit sikunik aserorterutinik ikiorneqarnissaminnik 2011-mut qinnuteqartut maannamut umiarsuaatillit 15-it nalunaareersut oqaatigineqarpoq.
2009 misiliutitut aqqutinik nutaanik ingerlaarfiusoq, ukiormanna iluatsilluartumik nunat issittut imaat umiarsuarnik niuerutinik ingerlaarfigineqarsimapput.
Nunarsuatta kiatsikkiartornera nunanut issittunut allannguivoq. Septembarimi aatsaat taama sikoqanngitsigaaq. Taamaattumillu russit norgemiullu umiarsuaasa aasap ukiallu ingerlanerani aqqut nutaaq aqqutigisarsimavaat.
