Assi: Marina & Enrique/Flickr Creative Commons

Tusagassiuutit: Umiarsuaatileqatigiiffik Nuummi Ilulissanilu akunnittarfiliorusuttoq

Norgemi umiarsuaatileqatigiiffiup Hurtigrutenip Nuummi Ilulissanilu mittarfiit tallilerneqassappata Nuummi Ilulissanilu akunnittarfiliornermut aningaasalersuerusulluni nalunaarutigaa.

Sermitsiaq.AG aamma Altinget Arktis taama allaaserisaqarput.

Hurtigrutenip Norgep kitaata sineriaa sinerlugu angalatitsisarnini ilisimaneqaatigaa. Umiarsuaatileqatigiiffik aamma nunatsinni angalatitsisarpoq, 2016-imilu nalunaarutigaa nunatsinni timmisartoqarfeqarnikkut attaveqaatit allanngortinneqassagaluarpata nunatsinni nunattalu eqqaani angalatitsinerulernissani soqutigalugu.

AAMMA ATUARUK Hurtigruten Nunatsinni aningaasaleerusussinnaasoq

Hurtigrutenimi pisortaaneq Thomas Westergaard naapertorlugu, umiarsuaatileqatigiiffik Nuummi akunnittarfimmut 150-inut inissaqartitsisumut Ilulissanilu akunnittarfimmut nutaamut 190 millionit koruuninik aningaasaleerusuppoq.

Nuummili mittarfik ilumut tallilerneqassanersoq pisortaanerup uppernarseqqaarusuppaa.

AAMMA ATUARUK Hurtigruten Issittup Imartaanut angallassisalerniartoq

- Nuummi mittarfiup annertusaavigineqarneranut tunngatillugu qanoq pisoqarnera takoqqaartinnagu pilersaarutinik taama annertutigisunik soorunami aallartitserusunngilagut. Tamanna akunnittarfimmut nutaamut nunamilu ingerlatanut allanut aningaasalersuinermut atuuppoq, Thomas Westergaard Sermitsiaq.AG-mut taama oqarpoq.

Hurtigrutenilli umiarsuarmik takornariartaammik hybridimik ingerlatilimmik 2020-mit angalatitsisarnissaminik pilersaaruteqareerpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat