Ulussaarsuup Felix-ip inuit 50.000-it eqqorpai
Ulussaarsuup Felixip Amerika Qiterleq aqqusaarmagu, inuit ikinnerpaamik tuusintit ajunaarput, tuusinitilippassuillu angerlarsimaffeerullutik. Maannakkut tusagassiorfitsigut allaaserineqarpoq, ulussaarsuaq Felix sakkortusiartoqqilersoq. Ullut marluk matuma siornatigut Nigaracua Honduras-ilu ulussaarsuarmit taassumannga aqqusaarneqarput.
Ulussaarsuaq Felix maannakkut sakkortusiartorpoq, akunnermut 256 kilometerinik sukkassusilimmik anorersuarluni.
Nicaragua-mi inuit 50.000-it ulussaarsuarmit eqqorneqarput. Untritillit arlallit tammaaneqarput, 17.000-illu angerlarsimaffeerullutik.
Indianerit Miskito-nik taaguuteqartut amerlanersaat Nigaracuap kangiata sineriaani najugaqartut eqqugaanerpaanut ilaapput.
Venezuela, Cuba USA-lu ajunaarfiusunut ikiuiniarlutik nassiussuilereerput.
