Ulussaarsuaq USA-mi annilaangatitsivoq
Ulussaarsuaq Earl, akunnermut 215 kilometerinik sukkassuseqartoq, USA-p kangiagut ingerlaarpoq.
Allattoq Jaaku Lyberth
Ulussaarsuaq USA-p kangiani anorersuartitsisoq taaguserneqarpoq Earl, taanna pissutigalugu USA-p kangiani qeqertani najugaqartut qimarngussuunneqarput.
Amerikap kangimut sineriaata annertunersaani anorersuarnissamik aarlerisaaruteqartoqarpoq, naalagaaffiit North Carolina, New Jersey aamma New Yorkimi anorersuarujussuarnissamik silasiortut aallaarissaaruteqaramik.
Kingullermik ulussaarsuaq taamak sakkortutigisoq amerikap sineriaani misigineqarpoq ukioq 1991-imi, taannalu taaguteqartinneqarpoq pop.