Ulussaarsuaq pingasunngornermi unnukkut akunnermut 170 kilometerinik sakkortussuseqarluni South Carolinami Charlestonip kujataaniippoq.Assi: Dante Carrer/Reuters/Ritzau Scanpix

Ulussaarsuaq Dorian USA-p sineriaani sakkortuseqqittoq

Kiattup anorersua Dorian sakkortuseqqippoq. Kiattup anorersuata sakkortunerpaaffia 5-iuvoq massakkullu 3-miilluni.

USA-mi nuna tamakkerlugu ulussaarsuarnik misissuisoqarfik NHC taama ilimasaaruteqarpoq, nutaarsiassaqartitsivik Reuters taama allaaserisaqarpoq.

Bahamasimi sapaatit akunnerata naannerani sakkortunerpaamik ulussaarsuaqarnerani inuit ikinnerpaamik 20-t ajunaarput.

Ulussaarsuup illuariartornerani Naalagaaffinni tallimani innuttaasut 2,2 milliuunit qimagussorneqarnissaat pisortanit maanna piumasarineqarpoq.

Inuit ajunaarsimasut amerlanerunissaat pisortanit ilimagineqarpoq - ulussaarsuarmik eqqugaasimasut ilaatigut qarsutsiffiusut annaassiniartartunit suli tikinneqarsinnaasimanngimmata.

AAMMA ATUARUK Ulussaarsuaq Dorian: Inuttaasut millionit qimagussortinneqartut

Ulussaarsuup South Carolinami Charlestonip kujataatungaa unnuaq aqqusaaraa, NHC ilisimatitsivoq.

Ulussaarsuup Bahamasimit avannamut USA-p kangiatungaanut illuariartornerani imaq kissartoq aqqusaarpaa, tamatumalu malitsigisaanik ulussaarsuaq sakkortuseqqilluni.

Ulussaarsuup sinerissap qanittuanut illuariartulinnginnerani naalagaaffinni, Floridami, North Carolinami, South Carolinami Georgiamilu innuttaasut 2,2 milliuunit qimagussorneqarnissaat piumasarineqarpoq, DR allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat