Ulussaarsuaq Dorian qeqertarpaat ilaannut Bahamasimut sapaatip-akunnerani qaangiuttumi anngummat aseruatiterujussuarpoq. Inuit ikinnerpaamik tallimat toqupput.Assi: Scanpix

Ulussaarsuaq Dorian sakkukilliartorusaarpoq

Ulussaarsuaq Dorian Bahamasimut sapaatip-akunnerani qaangiuttumi anngummat atugarliorfiorujussuarpoq, ulussaarsuarli USA-p kangimut sineriaata eqqaanut maanna anngussimasoq sakkukilliartorusaarpoq.

 

Ulussaarsuaq Dorian USA-p kangimut sineriaata eqqaanut maanna anngussimasoq sakkukilliartorusaarlunilu ulussaarsuarnik sakkortunerpaaffiliinermut uuttuut naapertorlugu 3-mik maanna sakkortussuseqarpoq.

Nutaarsiassaqartitsivik AFP taama allappoq.

USA-p nuna tamakkerlugu ulussaarsuarnik misissuisoqarfia National Hurricane Center (NHC) Miamimiittoq naapertorlugu ulussaarsuaq Floridamit 170 kilometerinik ungasitsigivoq. Sakkortussusaa Danmarkimi nalunaaqutaq naapertorlugu ullaaq uuttorneqarmat nalunaaquttap-akunneranut 205 kilometerinik sukkassuseqartoq paasineqarpoq.

NHC naapertorlugu Floridamut ullumikkut marlunngornermi aqaguluunniit pingasunngornermi aarlerinartorsiornartumik qanillattoriarluni Georgiamut South Carolinamullu pingasunngorpat sisamanngorpalluunniit annguttussaassangatinneqarpoq.

AAMMA ATUARUK Ulussaarsuaq Dorian: Inuttaasut millionit qimagussortinneqartut

Ulussaarsuaq Dorian qeqertarpaat ilaannut Bahamasimut sapaatip-akunnerani qaangiuttumi anngummat aseruatiterujussuarpoq. Inuit ikinnerpaamik tallimat toqupput.

Bahamasip avannaanut Floridap eqqaaniittumut ataasinngornerup unnuaani annguppoq.

Annguteruttornerani sakkortussusaa uuttorneqarmat nalunaaquttap-akunneranut 295 kilometerinik sukkassuseqartoq paasineqarpoq.

Tassa imaappoq, ulussaarsuaq Dorian Atlantikumi ulussaarsuarni Caribiami qeqertarpaat ilaannut anngussimasuni sakkortunerpaavoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat