Kiattup anorersua Bahamasip nalaaniippoq 7 miiterillu sinnerlugit qarsutsisoqarnissaa, USA-mi nuna tamakkerlugu ulussaarsuarnik misissuisoqarfik NHC taama aarlerisaaruteqarpoq, kiattullu anorersua akunnermut 320 kilomiiterit sukkassuseqassangatinneqarpoq.Assi: Ramond A King/Reuters/Ritzau Scanpix

Ulussaarsuaq Dorian: Inuttaasut millionit qimagussortinneqartut

South Carolinami Georgiamilu, ulussaarsuup akunnermut 320 kilometerinik suli sukkassuseqarnissaanik aarlerisaaruteqarfiusumi innuttaasut millionit angerlarsimaffiannit qimagussortinneqassapput.

Kiattup anorersua - ulussaarsuaq Dorian Bahamasip avannaatungaanut unnuaq anngummat aseruatitererujussuarpoq. Ilaatigut innaallagissap aqqutai eqqorneqarlutik.

Kiattullu anorersuata amerikamp kangiatungaanut illuariartornera sillimmataarfigineqalereerpoq.

- Innuttaasut piumasaat naammaginartumik malissinnaanavianngilavut, South Carolinap guvernøria, Henry McMaster, guvernøri, Brian Kemp peqatigalugu taama oqaaseqarpoq, naalagaaffeqatigiinnilu ilaasut marluk inunnik milliuuninik qimagussuinissamut peqqusillutik. NBC News taama allaaserisaqarpoq.

AAMMA ATUARUK Puerto Ricop sukannersumik immikkut aqutsisoqarnissaa nalunaarutigigaa

Kiattup anorersuata, Dorianip sakkortunerpaaffimmiilluni amerikami nalaagaaffiit marluk ataasinngornerup ingerlanerani aqqusaassagai ernumassutigineqarpoq.

Kiattup anorersua Bahamasip nalaaniippoq 7 miiterillu sinnerlugit qarsutsisoqarnissaa, USA-mi nuna tamakkerlugu ulussaarsuarnik misissuisoqarfik NHC taama aarlerisaaruteqarpoq,

Kiattullu anorersua akunnermut 320 kilomiiterit sukkassuseqassangatinneqarpoq.

Kiattup anorersua Dorian ukiormanna sakkortunerpaatut nalunaarsorneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat