Ulrikka Holm Naligiissitaanermut Siunnersuisoqatigiinni siulittaasunngorpoq
Suiaaqatigiinnik isummertarneq suiaaqatigiillu akornanni attaveqaqatigiittarneq Ulrikka Holmip ulluinnarsiutigai, taamaammat aamma Naligiissitaanermut Siunnersuisoqatigiinni siulittaasunissaminut piukkunnarluarluni. Naalakkersuisunit toqqagaaqqammerpoq
Nunatsinni Naligiissitaanermut Siunnersuisoqatigiit ilaasortaqarput siulittaasumik ataatsimik ilaasortanillu arfinilinnik, taakkulu kattuffiit innersuussinerisa kingorna Naalakkersuisunit toqqarneqartarput. Siunnersoqatigiinni siunertaavoq Kalaallit Nunaanni naligiissitaaneq pillugu oqallinnermut, ilisimasaqarnermut paasisitsiniaanermullu tapersiinissaq. Tamassuma saniatigut Naligiissitaanermut Siunnersuisoqatigiit nunat tamat akornanni Nunanilu Avannarlerni naligiissitaaneq pillugu suliaqarfinnut siunnersuisartuusunut allanut attaveqaataapput.