Ulluunerani tillinniarnerpassuit

Tamannalu pissutigalugu politiit innuttaasut kajumissaarpaat kikkut najugaqarfigisaminniinnersut sianiginiaqqullugu, sanilitillu najugaqarfimmilu qanigisaani najugaqartut ikiorlugit pissusissamisuunngitsuliortoqarsorigunikku politiinut tamanna nalunaarutigeqqullugu. Aammattaaq angerlarsimaffiup qimannginnerani igalaat ammatinnagit matullu parnaaqqatinnagit qimannaveersaarnissaa qulakkeeqqaartariaqarpoq. Init igalaanik ammasoqarfiusut aamma nakkutigilluartariaqarput, tillinniat ulluunerani iserlutik tillinniannginnissaat pinaveersaartinniarlugu.

Politiit marlunngormat illoqarfiup immikkoortuani Nuniaffimmi ikuallattoqarneranut atatillugu misissuiartorput. Taamatullu suliaqarnerminni nalaatsornikkut tillitarpassuarnik katersat siumorpaat. Ilaatigut tassaapput iPadit atortullu elektroniskiusut allat. Tillitanik nassaarineqartut amerlanersaat tillinniartoqarsimaneranik sulianeersuuneri paasineqareerput piginnittuinullu tunniunneqareerlutik. Suliaq politiinit suli paasiniaaffigineqarpoq, politiillumi tillinniat kikkuunerinik paasisaqarnissaat tigusarinninnissaallu neriuutigineqarluni.