Sermiligaaq 209-nik innuttaasoqarpoq.Assi: Google maps

Ullut arfinillit internetteqarani, oqarasuaateqarani radioqarani tv-qaranilu

Nunaqarfimmi Sermiligaami Tasiilap avannaaniittumi oqarasuaatikkut attaveqaatit tallimanngormalli atorsinnaanngillat.

Sermiligaami innuttaasut TV isiginnaarsinnaanngilaat, radiolu tusarnaarsinnaanagu, taama oqaluttuarpoq Peter Utuange, taanna nunaqarfimmi aqutsisuni ilaasortaavoq.

Peter Utuange oqarasuaat qaammataasatigut attavik Iridium atorlugu KNR-imut attaveqarpoq Sermiligaamut attaveqannginneq pillugu.

TELE-p attaveqataanik attaveqannginneq pissutigalugu Sermiligaami innuttaasut pisiniarfimmi pisiniarsinnaanngillat aningaasanillu tigusisinnaanatik:

- Pisisartut oorinik tigsusisinnaanngillat tallimanngormalli,  radio naalaarsinnaanngilarput TV-lu isiginnaarsinnaanagu,

Peter Utuange taama oqarpoq, taassuma TELE-POST attavigisarsimavaa TELE-p attaveqaatai qaqugu iluarsaanniarneqarnersut paasiniarlugu.

--Siullermik TELE-mut saaffiginnikkama oqarput sila apeqqutaasiq , Peter Utuange oqarpoq, -  silagippugut, marlunngornermat aamma helikoperi tikippoq, ullumi aamma tikittoqarpq sila ajunngimmat, Peter Utuange oqarpoq.

Tallimanngorpat paasinnaanissaa Tele-Postip neriuutigigaa

Tele-Post-imi immikkooortortaqarfimmi pisortap, Brian Hammond Zinkip oqaatigaa, sakkortusaavimmut Sermiligaap eqqaanniittumut tallimangorpat iluarsaassiartortoqarumaartoq sila ajussanngippat.

Tassuma oqaatigisinnaanngilaa telep attaveqaataa ajoqutilik ulloq taanna iluarsineqarsinnaanersoq.

- Ajoqutip suunera apeqqutaalluinnarpoq, neriuutigisorujussuuarpulli Sermiligaamut attaveqaat piaartumik iluarsineqarumaartoq, Brian Hammond Zink oqarpoq.

TELE post Sermiligaamut attaveqarfeqarpoq, sakkortussaavimmik Tasiilamit Sermiligaamut attaveqartumik Brian Hammond Zinkillu takusinaanerarpaa, attaviit taakkua marluk akornanni ajoquteqartoq.

Taassumalu ilanngullugu oqaluttuaraa, sapaatip akunnerata ingerlanerani sakkortusaavimmut timmisartuussiniartoqarsimagaluartoq silalli ajornera aamma qulimigiluummik attartorniarnerup ajornakusoornera pillugu ajoqutip iluarsaanniarneqarnera ajornakusoorsimasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat