Ullut 28-t tammaaneqareerluni ajunngitsoq nassaarineqarpoq

Nunavut-mi nunaqarfeeqqami Igloolik-mmi ulluni makkunani nuannaartunnguaqarpoq. Piniartoq 81-inik ukiulik ulluni 28-ni tammaaneqareerluni ajunngitsoq nassaarineqarmat.

Inuit pillugit filmiliortartup nunarsuarmi tusaamasaasup Zacharias Kunuup angutaa Enoki Kunuk snescootererluni juunip aallaqqaataanili aavariarluni aallarsimavoq, piffissarli isumaqatigiissutaasoq eqqorlugu angerlarsimanani. Ullut tallimat qaangiummata ujaasineq annertooq ingerlanneqarpoq, ilaatigut Canadap sakkutuui ujaaseqataatinneqarlutik. Ullut 14-it qaangiummata ujaasineq taamaatiinnarneqarpoq, Enoki Kunuulli ilaqutai neriuutaarussimanngillat.

Sisamanngormat unnuakkut nalunaarutigineqarpoq, angut 81-inik ukiulik ajunngitsoq nassaarineqartoq. Sakkutuut helikopteriannik tikiunneqarpoq, nunaqqataasullu tamarmik niuffiorsimapput. Enoki Kunuk oqaluttuarpoq, snescooterit apummi marrissimasut, kaanngartinniaraluaramigillu iluatsissimanagit. Taamaariarmat tupertorsimavoq, taqussanilu nerereeramigit aalisakkat arfinillit timmissallu marluk pisarisimasani annassutigimavai.

- Ajunngilaq, sanneqqaqaarli oqaluttuassaqarpiarnanilu. Ukuaasa ilaat oqaluttuarpoq.