Ullup qeqqaanerani radioaviisi
Naalakkersuisut whistleblowerimut aaqqissuussinermik eqqusseratarsinnaapput. Naaja Nathanielsenip IA-meersup pisortat suliffeqarfiutaanni sulisut killilersugaanngitsumik oqalussinnaanerinik qulakkeerisinnaasumik aaqqissuussinermik taama ittumik pisariaqartitsisoqarnersoq Naalakkersuisunut apeqquteqaatigisimavaa. Vittus Qujaukitsullu tamanna mattutivissunngilaa. Naalakkersuisut Whistleblowerimut aaqqissuussinermut 2014-imi siunnersuuteqassanerlutik eqqarsaatersuutigaat, politikeri Siumumeersoq taama akissuteqarluni allappoq.
Kalaallit atuartut 3.000-t Ipadissaat pillugit suliami, Aleqa Hammond suliniut annaanniarnialerpaa. Aningaasaateqarfiup suliniutaata piviusunngortinneqarsinnaanissaa anguniarlugu Naalakkersuisut aaqqiissuteqarsinnaanissaat neriuutigaa.
Nunanit allanit nutaarsiassat ilagaat, mexicomiut amerikamiut taarserlugit "nunarsuarmi pualanerpaanngorsimasut".