Assi: Nauja Møller

55 mio. Ullunut ajornernut ileqqaarisa

Aalisakkat akigissaarnerat, raajaqarnerunera Pituffimmilu kiffartuussinermut isumaqatigiissutip sivitsorneqarnera ilaatigut pissutigalugit aningaasanut inatsit naatsorsuutigisamit angusaqarfiuneruvoq, Nunattalu karsia naatsorsuutigineqanngitsunik 55 millionit koruuninik isertitaqarneruvoq.

Tamannalu pitsaasuusoq Aningaasaqarnermut Siunnersuisoqatigiit siulittaasuat, Torben M. Andersen, isumaqarpoq.

Taamaakkaluartorli ullunut ajornernut aningaasat ileqqaagassaasorai.

 - Isertitat ningaasaqarnermut iluaqutaassapput, ataasiartaappulli, siunissamilu nanginnissaat imaaliallaannaq naatsorsuutigisinnaanngilagut. Taamaammat ullunut ajornernut ileqqaagaqartoqartariaqarpoq, Aningaasaqarnermut Siunnersuisoqatigiit siulittaasuat, Aarhusillu universitetiani aningaasanik aqutsinermi professori, Torben M. Andersen oqarpoq.

Inuiaqatigiitsinni aningaasanik amigaateqartunik ujaarleqqaartariaqarunanngikkaluarpugut, ilisimatoorli naapertorlugu ileqqaarneq silatusaarnerpaassaaq, marluk peqqutiginerullugit:

- Siullermik 55 millionit koruunit isertitat uteqqiattuassanngillat, politikkikkullu piumasat isertitanik ataavartumik atorfissaqartitsisuupput. Suliniutillu taakku aalajangersimasumik isertitaanngitsunik akilersorneqassappata, soorunami piffissap ingerlanerani, isertitallu iluatsinngippata, ajornartorsiortoqalissaaq. Suliaq taava ingerlaqqissinnaassava, immaqaluunniit unitsiinnarneqartariaqassava?, Torben M. Andersen aperaaq. 

Taavalu aamma innuttaasut inuunertusiartorput, inuillu amerliartuinnartut ikinneruleraluttuinnartunik pilersorneqarlutik. Tassalu isertitat ikinnerit aningaasartuutillu amerlanerit. 

- Tassalu aningaasanik pisariaqartitsisoqalissaaq. Tamanna napatitsinermut siuariartortitsinermullu pilersaarummi oqaluuserineqarnikuuvoq, ajornartorsiutilli aaqqinneqarnissaanut aqqut suli takeqaaq, taamaammallu aamma sipaarnissamut tunngavissaalluni, Torben M. Andersen KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat