Toqqorsivimmit assiAssi: Ane Marie Petersen, KNR

Ullumikkut coronamut killiffik: Nuummi tunillatsissimasoq alla paasineqartoq

Nunatsinni coronavirusimik tunillatsissimasut maanna katillugit arfiniliupput. Taakunannga marluk peqqisseqqipput.

Inuk alla Nuummiittoq coronavirusimik tunillatsissimasoq paasineqarpoq.

Taamaalilluni illoqarfiit pingaarnersaanni tunillatsissimasut arfiniliulerput – taakkunannga marluk peqqisseqqipput.

Tamanna Naalakkersuisut tusagassiortunik katersortitsinerminni oqaatigaat.

AAMMA ATUARUK Personer i alle kommuner er testet for coronavirus

- Tunillatsittoq tunillatsissimasutut paasineqareersumut qanigisaasuuvoq, nakorsaaneq, Henrik L. Hansen oqarpoq.

- Taamaattoqartarnerali ajornartorsiutaavoq. Nunanit allanit Danmarkimiillu tikittut angerlarsimanissaat pulaartoqannginnissaallu pingaaruteqarluinnarpoq. Nunatsinni tuniluuttoqalinnginnissaa pingaaruteqarpoq.

Nunarput tamakkerlugu misissorneqartut 275-iupput.

Nakorsaaneq misissorneqartunut ilaavoq, taassumali misissorneqarnera suli akissutersineqanngilaq.

Misissorneqartut 23-t akissutersinissaat suli amigaataapput.

Misissorneqartut Dash 8-mik Keflavik aqqusaariarlugu  Københavnimut Statens Serum Institutimut nassiunneqarput.

Isummersuutit